Тауарды қабылдау және қайтару тәртібі туралы ережелер

1. Сатып алушының тауарды саны мен сапасы бойынша қабылдау тәртібі

1.1. ҚР АК 466-бабының 1-тармағына сәйкес Сатып алушы тауар жеткiзiлiмi шартына сәйкес берілген тауар қабылдауды қамтамасыз ететiн барлық қажеттi іс-әрекеттi жасауға мiндеттi. Сатып алушы тауардың көлік және ілеспе құжаттарда көрсетілген мәліметтерге сәйкестігін тексеруге, сондайақ бұл тауарды жеткізу шартында Тараптар келіскен мерзімдерде көлік ұйымынан қабылдауға міндетті.

1.2. Нақты жеткізілген тауар санының, жинақтылығының және/немесе көрнекі сапасының сәйкессіздігі анықталған жағдайда Сатып алушы «ЗапчастьТрейд» ЖШС-не тиісті шағымды жібереді. «ЗапчастьТрейд» ЖШС өз таңдауы бойынша шағымда көрсетілген мән-жайлармен келісуге немесе сатып алушымен бірлесіп тауарды саны мен сапасы бойынша қабылдауды жүзеге асыруға құқылы.

1.4. Сатып алушының қабылданған тауардың саны, жиынтықтылығы, көрнекі сапасы және ассортименті бойынша шағым беру мерзімін Тараптар тауар берілген сәттен бастап келесі 72 (жетпіс екі) сағатқа тең деп белгілейді. Осы тармақтың бірінші бөлігінде көрсетілген мерзім өткеннен кейін тауардың саны, жиынтықтылығы, көрнекі сапасы мен ассортименті бойынша ешқандай шағымдар қабылданбайды және қаралмайды.

1.5. Саны, толықтығы, көрнекі сапасы және ассортименті бойынша шағым «ЗапчастьТрейд» ЖШС- не электрондық сауда алаңы (ЭСА) арқылы жіберілуі тиіс. Саны, толықтығы, көрнекі сапасы және ассортименті бойынша шағымды қарау мерзімі, «ЗапчастьТрейд»ЖШС оны алған сәттен бастап күнтізбелік 7 (жеті) күнді құрайды.

Сапа (жасырын ақаулар) бойынша шағымды қарау мерзімі «ЗапчастьТрейд» ЖШС оны алған сәттен бастап 30 күннен аспайды.

Stellox брендінің сапасы бойынша шағымды қарау мерзімі «ЗапчастьТрейд» ЖШС оны алған сәттен бастап 24 сағаттан аспайды.

Жеткізудің жеке кезеңінде тауар жеткізілмеген жағдайда, «ЗапчастьТрейд» ЖШС шарттың қолданылу мерзімі шегінде келесі кезеңде (кезеңдерде) тауарлардың жеткізілмеген санын толтыруға міндетті.

Ассортиментке байланысты шарттары бұзылған тауар жеткізілген жағдайда, «ЗапчастьТрейд» ЖШС жеткізілмеген кезең үшін белгіленген ассортиментте жеткізілмеген тауар санын толтыруға міндетті.

2. Сатып алушының тауарды қайтару тәртібі

2.1. Тиісті сапасы бар тауарды қайтару мерзімі сатып алынған сәттен бастап 14 күн ішінде мүмкін болады.

2.2. Тауарды қайтару кезіндегі міндетті шарттар:

— бөлшекті орнатудың іздері немесе ұқыпсыз өңдеу нәтижесінде зақымданудың болмауы;

— ластанудың болмауы: майлау, құм, отын және басқа да қоспалардың іздері;

қаптаманың бүтіндігі;

— қаптамаға зақым келтірместен алып тастауға болмайтын үшінші тарап ұйымдарының

жапсырмаларының болмауы;

— жеткізушінің қойма белгілерінен басқа, маркермен, фломастермен немесе өзге де жазбаша

аспаптармен жазылған жазулардың болмауы;

— қаптамаға және тауарға судың немесе кез келген басқа сұйықтықтың әсер ету іздерінің болмауы.

2.3. Жеткізу шартының 5.8-тармағына сәйкес сатып алушының тапсырысымен Қазақстан

Республикасынан тыс жерлерден жеткізілген тауарды қайтару келесі жағдайларда мүмкін болады:

— Тауардың сапасына/жиынтықтылығына шағымдар;

— қате кросс нөмірі;

«ЗапчастьТрейд» ЖШС қызметкерінің сатып алушыға тауарды іріктеу / ресімдеу / жөнелту / жеткізу

кезіндегі қателіктері;

— жеткізудің кепілдендірілген мерзімін бұзу.

Ескерту: кросс қатесі болған жағдайда, Сатып алушы Жеткізушіге дұрыс емес кросс туралы хабарлауы мүмкін («Қате кросс туралы хабарлау» белгішесін басу арқылы мүмкін болатын ауыстырулар тізіміндегі артикулға қарама-қарсы). Коммерциялық қызметті жүзеге асыратын сатып алушы тауарды іріктеуге өз бетінше жауапты болуына байланысты, Жеткізуші қайтарымды қабылдаудан бас тартуға құқылы. Жеткізушінің веб-сайтындағы кросс-нөмірлер тек анықтамалық ақпарат ретінде ұсынылған және өндірушілер каталогтары бойынша қосымша тексеруді қажет етеді.

2.4. Сатып алушы өнімді Жеткізушіге екі жолмен қайтара алады:

• сатып алушы қайтарылатын тауарды Жеткізушінің қоймасына өз бетінше әкеледі;

• сатып алушы қайтарылатын тауарды жүргізушіге, тауарды кезекті жеткізу кезінде береді

(жүргізуші сатып алушыға арнайы қайтару үшін келмейді).

2.5. Тауарды қайтаруды ресімдеуге арналған құжаттар жинағы:

Егер тауарды бөлшек сауда сатып алушысы (жеке тұлға)сатып алса:

— Қайтару туралы өтініштер (сатып алушының жеке кабинетінен ЭСА-да жазылады);

— Қайтару актісі (2 дана) (сатып алушының жеке кабинетінен ЭСА-да жазылады);

— Кассалық чектің түпнұсқасы.

Егер тауарды Сатып алушы (Заңды тұлға) сатып алса:

— Қайтару жөнелтпе құжаты (Сатып алушының есеп жүйесінен);

— Қайтару актісі (2 дана) (сатып алушының жеке кабинетінен ЭСА-да жазылады);

— Кассалық чектің түпнұсқасы (егер тауар қолма-қол ақшамен сатып алынса).

Қате кросс себебінен қайтаруды рәсімдеу кезінде Шағым бланкісін толтыру міндетті

Қайтарылатын тауарды жүргізуші арқылы жеткізген кезде, Сатып алушы жүргізушіні кідіртпеу үшін қайтару құжаттарын алдын ала ресімдейді.

Қайтару актісінің барлық даналарына Сатып алушы мен жүргізуші қол қоюы керек (қайтарымды жеткізу жүргізушісімен бірге берген кезде). Қайтару актісінің қол қойылған бір данасын Сатып алушы, қайтарым мақұлданғанға дейін және ақша қаражаты сатып алушыға қайтарылғанға дейін сақтауы керек.

Барлық құжаттар тауарды Жеткізушіге қайтарудың ағымдағы күнімен ресімделуі тиіс. Тауарды Жеткізушінің өкіліне (жүргізушіге/курьерге/қойма қызметкеріне) беру мерзімі, қайтаруға өтінім жасалған күннен бастап күнтізбелік 14 күннен аспауы тиіс. Тауарды қайтаруға арналған өтінім, егер сатып алушы тауарды Жеткізушінің өкіліне бермесе немесе жеткізуші тауарды қоймада қабылдамаса, ол құрылғаннан кейін 30 күн өткен соң ЭСА-дағы жеке кабинеттен автоматты түрде жойылады.

2.6. Тауарды сатып алушының қоймасында қайтарған кезде тауарды тек «ЗапчастьТрейд» ЖШС жүргізушісі жүк орындарының саны бойынша (ішіндегісіне қол жеткізусіз) тасымалдауға қабылдайды. Жеткізушінің қоймасына тауар түскеннен кейін «ЗапчастьТрейд» ЖШС тауардың сапасына техникалық бақылау (жарамды тауарды қайтару кезінде) және сапасына тексеру (жарамсыз тауарды қайтару кезінде) жүргізеді.

2.7. Сатып алушы тауарды сапа бойынша қайтарған жағдайда, бұл тауар сапасына техникалық бақылау/сапаны тексеру жүргізу үшін жауапты сақтауға қабылданады. Меншік құқығы сатып алушыда қалады.

Техникалық бақылау / сапаны тексеру мерзімі — 30 күннен аспайды.

2.8. Егер техникалық бақылау нәтижелері бойынша тауардың жарамды екендігі анықталса, онда «ЗапчастьТрейд» ЖШС тауарды қабылдайды және бұл туралы сатып алушыға келісілген байланыс арналары арқылы хабарлайды. Бұл ретте «ЗапчастьТрейд» ЖШС-не меншік құқығының ауысу күні қорытынды жасалған күн болып табылады.

2.9. Егер техникалық бақылау/сапаны тексеру нәтижелері бойынша тауардың жарамсыз екендігі анықталса, онда «ЗапчастьТрейд»ЖШС:

— егер тауардың кемшіліктері өндірушінің кінәсінен туындаған жағдайда, ақаулы тауарды өз балансына қабылдайды және сатып алушының атына сапаны тексеру актісін жібереді және одан әрі әрекеттерді келіседі (тауарды ауыстыру, ақша қаражатын қайтару және т.б.). Бұл ретте меншік құқығының «ЗапчастьТрейд» ЖШС-не ауысу күні, жоғарыда көрсетілген актіні жасау күні болып табылады;

— егер тауардың кемшіліктері сатып алушыға тауарды пайдаланудың, сақтаудың, тасымалдаудың белгіленген қағидаларын немесе үшінші тұлғалардың іс – әрекеттерін бұзуы немесе еңсерілмейтін күш (бұдан әрі-кепілдік берілмейтін жағдай) салдарынан берілгеннен кейін пайда болған жағдайда, сапаны тексеру актісін қоса бере отырып, талап қоюдан бас тарту себебі бойынша материалды қайтару актісі бойынша тауарды қайтарады.

Ескерту. Кепілдіктен тыс жағдай туындаған кезде және сатып алушы бұрын төленбеген тауарды қабылдаудан бас тартқан кезде «ЗапчастьТрейд» ЖШС Сатып алушыдан тауарды қабылдауды талап етуге немесе Қазақстан Республикасы Азаматтық Кодексінің 437-бабы 3-бөлігінің нормаларына сәйкес шартты орындаудан бас тартуға құқылы.

2.10. «ЗапчастьТрейд» ЖШС мен Сатып алушы арасында тауар кемшіліктерінің болуы және олардың туындау себептері туралы дау туындаған кезде, «ЗапчастьТрейд» ЖШС кепілдік міндеттемелерін жүзеге асыру тәртібі туралы ережеде бекітілген, тәуелсіз сараптама жүргізу туралы нормалар қолданылады.